ئێران خوازیاری گەمارۆدرانی ڕژیمی ئیسرائیل بوو

بە ڕاپۆرتی ئاژانسی هەواڵی مێهر، کازم غەریب‌ئابادی بە ئاماژە بە هەلومەرجی کارەساتباری فەلەستین و تەشەنەسەندنی پەیتاپەیتای ئەو دۆخە، ڕایگەیاند: ئەنجومەنی ئاسایش بە هۆی پاڵپشتیی بێ‌ئەملاوئەولای ئەمریکا لە ئیسرائیل، تا ئێستا نەیتوانیوە پێش بە ماشینی کۆمەڵکوژیی ڕژیمی زایۆنی بگرێت.

جێگری یاسایی و نێودەوڵەتیی وەزارەتی دەرەوەی ئێران بە ئاماژە بە هاوبەشیی ئەمریکا لە جەنایەتەکانی ڕژیمی زایۆنی بە هۆی یارمەتییە بێ‌بڕانەوەکانی لە ئیسرائیل، جەختی کرد: کاتی ئەوە هاتووە دەسەڵاتی یاسا زاڵ بێت و پێویستە ئەنجومەنی ئاسایشی نەتەوە یەکگرتوويکان لە ژێر وەرزی حەوتەمی جاڕنامەی ئەو ڕێکخراوە، گەمارۆیی کارا بە سەر ڕژیمی ئیسرائیلدا بسەپێنێت و هەموو وڵاتان خۆببوێرن لە هەر جۆرە دانوستان و مامەڵەیەکی ئابووری لەگەڵ ئەو ڕژیمە، بەڵکوو بەو جۆرە پێش بە ژینۆساید بگرن و ئەو ڕژیمە ناچار بێت لە وەستاندنی داگیرکارییەکانی.